Aeroplan me bateri, por nuk është lodër !

Në të ardhmen çdo gjë do të jetë me bateri: aparatet shtëpiake,
automjetet, e duket edhe aeroplanët. Francezët kanë arritur të
fluturojnë me aeroplan me bateri. Aeroplanët elektrikë do të jenë edhe
më të lirë edhe më ekologjik.

Një ekip i inxhinierëve francez
ka arritur që, për herë të parë, të realizojë fluturimin e një
aeroplani me rrymë, ka thënë Anne Lavrand, përgjegjëse për këtë projekt
të emërtuar Electra.

Aeroplani me motor elektrik prej 25 kuaj
fuqi dhe bateri litiumi. ka fluturuar nga aeroporti Aspres-sur-Buech,
dhe ai atë për 48 minuta pandërprerë, ka precizuar Lavrand.

Aeroplanin
e kanë punuar inxhinierët e shoqatës për futjen në lëvizje të
fluturakeve me motorë elektrik, dhe bëhet fjalë për një aeroplan me një
ulëse nga druri dhe metali, me peshë prej 155 kilogramësh pa pilot, dhe
krahë prej nëntë metrash.

"Kjo arritje unike teknologjike në
sektorin e aviacionit paraqet një alternativë pa precedent të motorëve
ekzistues të fluturakeve, të cilëve u nevojitet forcë prej 15 deri në
50 kuaj fuqi", ka theksuar ekipi i shkencëtarëve në deklaratën e tyre
për shtyp.

Në këtë projekt për një vit e gjysmë kanë punuar pesë persona.